Nýjar myndir

Henti inn 4 nýjum myndum. Svona héðan og þaðan. Ekkert merkilegt.

Myndin af mér á vellinum er hópmynd af okkur þrem sem spiluðum saman á Fischer Open mótinu á La Reserva og svo Mr. Fischer sjálfum. Þessi Fischer fjölskylda á 3 bílasölur þar sem bara er hægt að kaupa eðalvagna og lúxuskerrur. Einn slíkur var í verðlaun fyrir holu í höggi á áttundi brautinni þar sem myndin er tekin. Hin tvö eru svo þýski fjárfestirinn Patrick Rose og hin Eistneska Mari.

Fischer fjölskyldan rekur sem sagt þessa mótaröð líka og hefur gaman af. Það var heill hópur af fólki sem tók við okkur þegar kom að áttundu holunni. Þau buðu uppá veitingar og gjafir til allra sem vildu þiggja. Svo var byggð upp smá pressa fyrir höggið sem átti að vinna mér eitt stykki Mercedes. Það var góður vindur og þau völdu holu sem var kjörin fyrir þetta tækifæri. Löng par þrjú og þegar maður stóð á teignum var maður í skjóli umlukinn trjám. Þannig að þegar boltinn var floginn 70 metra þá réðst vindurinn á hann frá hægri og Fischer sagði okkur eftir á að allir höfðu endað hægra megin við pinnan. Þau voru ekkert að fela það að þau voru mjög fegin þegar enginn fór holu í höggi, Fischer sagði að það hafi þó verið ein kona sem skelfdi þau aðeins, höggið leit vel út, var á réttri línu en var aðeins of stutt og smá til hægri. Gaman að sjá hve hreinskilin þau voru.

ps. bara verst að ég gleymdi að girða mig fyrir hópmyndina. dem. ekki vanur þessum paparazzíum.

Athugasemdir

[Kata guðmóðir (IP-tala skráð) 6.5.2008 kl. 23:40]

Hæ hæ það er nú alveg komin tími á að ég heilsi ykkur aðeins, alltaf gaman að sjá nýjar myndir :) nú ég er á fullu að pakka niður, við flytjum eyjadótið á laugardaginn, svo rest við tæki færi í geymslu. Við erum búin að fá gullfallegt einb.hús í miðbæ vestmanneyja,  4 svefnhb. svo það er nóg pláss fyrir gesti :) stuð stuð

Kveðja Kata