Heima

Í dag verð ég heima til að létta á fyrir Maríu á meðan hún er veik. Ætla að taka Sebastian í heimsókn til tengdó í mat til að halda uppá Feðradaginn, sem er merkilega mikilvægur. Hann er næstum jafn stór og 25.des. Mæðradagurinn er það hins vegar ekki,,,,,hmmm wonder why.

Í lok mánaðarins kemur Evrópski túrinn hingað til að halda mót á Aloha golfvellinum sem er í 20 mín. fjarlægð frá okkur. Í tilefni þess sló ég á þráðinn til Bigga Leifs og grennslaðist fyrir hvort hann ætlaði að koma á mótið. Hann svaraði því játandi og ætlaði að sjá hvort hann gæti reddað mér passa inná mótið sem er vel. Það verður gaman að fylgjast með honum hérna og sjá hvernig þetta gengur allt fyrir sig. Gabriel og ég ætlum að kíkja á mótið og reyna að læra eitthvað af þessum köllum.