Seim ól seim ól

Lífið gengur sinn vanagang hérna á spáni. Ég var útá velli í dag frá 9.30 til 18 og er svartur fyrir vikið. Ok, ég er bara rauður, en samt. bóndabrúnka dauðans.

María og Sebastian fóru til tengdó og saman fóru þau öll á danssýningu í Torremolinos. Það var víst mikil skemmtun og mikið stuð. En leiðinlegt að ég skuli hafa misst af því, ehem.

Í dag spilaði ég með 3 írskum piltum á mínum aldri og voru þeir mjög skemmtilegir og óheflaðir. Það var frekar erfitt að skilja þeirra þykka hreim og oft brosti ég bara og kinkaði kolli þegar þeir sögðu eitthvað sem ég skildi ekki. 

Hvað þýðir t.d. þetta:  a boh a bah

I bought a bike

Ég hélt fyrst að hann hefði kannski keypt tösku (bag) eða eitthvað slíkt. En þetta hafðist samt. Þeir splæstu vatni og veitingum á mig þar sem þeim fannst kunnátta mín á vellinum ómetanleg. Og buðu mér svo í hamborgara og öl á 19.holunni sem ég afþakkaði náttúrulega pent þar sem María og litli pungur voru komin til að sækja pilt.