Þróun

Ég hef ákveðið að raka mig ekki þangað til að ég næ hring á pari eða undir. Það gæti verið smá tími í það en gerir svo sem ekkert til þar sem mér vex frekar lítið skegg hvort eð er. Sem náttúrulega bendir til þess að ég sé lengra kominn frá öpum í þróuninni en aðrir eins og allir vita.

humm...það minnir mig á það.

Það vita það nefnilega allir (en sumir vilja ekki viðurkenna) að þróunin í gegnum árin hefur verið á þann veg að maðurinn hefur ætíð minna og minna að gera með hár. Því föt og höfuðföt hafa að sjálfsögðu komið í staðin fyrir feldin sem apar og aðrir prímatar hafa til að halda á sér hita.

Mikið af fólk hefur nefnilega þann ókost að geta bara séð sjálfan sig í samhengi við kannski 100,500 eða 2.000 ár. Þannig sjá margir ekki hið stóra samhengi sem nauðsynlegt er til að koma auga á þróun þess og hins. Þannig benda sumir t.d. á að fólk fyrir 700 árum hafi verið svipað okkur og hvurslags þróun þetta sé því.

Málið er að þessi þróun hefur verið í gangi í ca 85.000.000 ár. Það er allavegana official tímasetning á fyrsta prímatanum. Homo serían (sem inniheldur m.a. homo habilis,homo sapiens etc) hefur verið tímasett 2.000.000 ár aftur í tíman. Þannig er hægt að skilja betur af hverju 2.000 ár eru örsmátt tímabrot af þessari þróun.

Af hverju eru sumir enn kafloðnir á meðan að aðrir eru það ekki? Það meikar ekki sens.......

Jú, það meikar 100% sens. Það þarf ekki annað en að líta á orðið þróun til að sjá svarið. Að þróast. Það gerist hægt og bítandi en ekki einn,tveir og þrír og allir eru jafn loðnir.

Þetta þýðir jafnframt ekki að manneskja sem er með minni hárvöxt en nágranninn sé þróaðri á öðrum sviðum. Það þarf ekkert endilega að vera, því manneskjan er gædd milljón mismunandi hlutum sem eru mislangt á veg komin í þróuninni. Það gerir manninn einmitt svo skemmtilegan, að enginn er eins og oftast er hægt að læra eitthvað af næsta manni. Vandamálið er bara að koma auga á hvað það er. Hér á Spáni er t.d. mjög erfitt að koma auga á hvað hægt sé að læra af innfæddum því flestir eru komnir styttra á veg á flestum sviðum í þessari blessaðri þróun.