Ég á vin

Ég eignaðist nýjan vin í dag

Ég var mættur útá range kl 08:35 (skíta-ég er að tala um skítakuldi og vindur) sem gerði það að verkum að maður var stirður sem járnklumpur með stein ívafi. Fyrir vikið dugði ég bara í 60 mín þar og dreif mig svo niður á púttgrín þar sem betra var að vera. Þar var ég í ca 60 mín. Svo fór ég á leynivippgrínið mitt sem er í felum frá túristunum og er reyndar bara opið fyrir meðlimi (ekki að það myndi stoppa þessa tsjalla anyways).

Var búinn að vera þar í ca 30 mín. þegar einhver strákur kemur og byrjar einnig að æfa. Við byrjum að spjalla og það kemur á daginn að þessi strákur heitir Gabriel og er frá Svíþjóð. Hann er með nákvæmlega sömu forgjöf og ég(3.7) og er í nákvæmlega sömu erindagjörðum og ég í La Cala.

WIERD

Hann er búinn að vera í 1 ár og er flestu kunnugur hér. Hann er með sömu markmið og ég og mjög svipað plan. Hann er með sama galla í sveiflunni og ég, og er að vinna í að laga það. Hann ekur Ford Focus eins og ég. Hann talar reiprennandi spænsku eins og ég þar sem hann var fæddur hér í Málaga og bjó til 6 ára aldurs. Var ég búinn að minnast á að hann er með NÁKVÆMLEGA SÖMU FORGJÖF OG ÉG.

Þegar við vorum búnir að sjá alla þessa samlíkingu hjá okkur þá var manni nú hætt að lítast á blikuna. Við vorum báðir byrjaðir að líta í kringum okkur til að reyna að finna þessa földu myndavél sem hlaut að vera þarna einhversstaðar bakvið tréin. Þetta er OF mikil tilviljun.

Ég segi það því það er ekki eins og það eru margir þarna með sömu markmið og við. Áður en ég gerðist meðlimur í La Cala þá var hann einn þarna að pæla í þessum hlutum. Núna erum við tveir. Aðrir eru bara fólk á eftirlaunum, túristar eða vel efnað upper class fólk. Við stöndum soldið út.

Anyways....við vorum báðir í skýjunum yfir því að fá æfingarfélaga og héldum uppá það með því að fara fyrri 9 á evrópu seinna um daginn. needless to say, þá var hann mun betri en ég þar sem hann hefur núna æft í eitt ár stanslaust en ég í nokkra daga með hléum.