Keyrslan til Costa del Golf

Við gistum á hóteli nálægt Alicante fyrstu nóttina og brunuðum svo niður eftir til Málaga kl 11.40.

Ég fór á Opel Zafira með bílinn fullann af töskum og mjása. María fór með Sebastian og fáar töskur á öðrum Zafira bíl.

Allt gekk vel og öllum leið vel í ferðinni nema mjása. Hann var ofur stressaður þrátt fyrir að við gáfum honum 1 róandi. Fyrir vikið varð hann sem fullur væri og mjálmaði með viskí rödd á þriggja sekúndu fresti alla bleedin leiðina. Ég hleypti honum út stundum og gat hann ráfað um bílin að vild, sem var ekkert voða skynsamlegt en maður reyndi allt til að láta honum líða betur. Hann var feginn að komast til Alhaurin de la Torre nokkrum tímum síðar þar sem hann er núna, og loks búinn að jafna sig eftir ferðalagið.