Update

Beta var í myndatökum í dag þannig að við pungarnir þrír flúðum heimilið. Fórum í kringluna og komum svo við í æfingarhúsnæðinu.

Sebas fannst það gríðarlega spennandi. Við djömmuðum pínu á gítar og trommur og átum nammi. DK lá á teppi á gólfinu og fylgdist með rokkurunum.

Ég og Sebs ætluðum svo að fara niður á Gauk á Stöng og horfa á trommukeppni. 5 trommarar að keppast um hver sé bestur. Var auglýst kl 21 en ég hringdi til að tékka á hvort 5 ára gutti mætti koma og þá kom í ljós að þetta verður ekki fyrr en kl 23. Þannig að það verður ekkert úr þessu. En Sebas var velkomin að sögn framkvæmdarstjóra.

Erum búnir að skella Star Wars 3 í tækið í staðin og ætlum að poppa og hafa það kósí. Strákarnir í leikskólanum tala sín á milli um að númer 3 sé hræðilegasta Star Wars myndin þannig að Sebas er því mun spenntari.