Rokk og rigganigg

Fór fyrsta hringinn á +15 sem skilar mér núna í annað sæti þegar þetta er skrifað. Verð sennilega í kringum miðju.

Það var brjálað veður og það tók mig 2 holur að átta mig á hversu mikið vindurinn var að fokka öllu upp.

tripple,tripple byrjun.

Lærði sem sagt að maður á ekki að taka 3 tré í svona vindi. Frekar að vera stuttur og taka strikað 4 járn og halda honum niðri.

Tók sem sagt fullkominn ás á fyrstu. Brjálaður mótvindur. Fór bara rétt yfir brekkuna. Tók þá 3 tré og hélt í 2 sek að ég hafði slegið fullkomið högg. Nei, nei...svo bara ballúnaðist kúlan upp og til vinstri út í drasl. Víti, bönker og læti.

Svo á annari miðaði ég út í OB hægra megin og ætlaði að beygja 3 tréið fallega inn. Frábært högg í 2 sek þangað til hann tók 90° beygju til vinstri og út í skóg. Týndur. Víti og læti.

Ásinn hjá mér virkaði fullkomlega í dag.

Á þriðju sló ég fallega. En óheppinn að hann endaði í brekkunni við bönkerinn. Kúlan rosalega mikið fyrir neðan fætur. Skondraði blending eitthvað áfram út í drasl vinstra megin. Skondraði 6 járni ofan af steini og loksins inná braut. Vokey fleygjárn of stutt. Flott vipp og einpútt. Skolli.

Svo kom fyrsta parið á fjórðu braut. Í hollinu!

Fyrsti fuglinn kom svo á 14.braut. Í hollinu!

Sjöunda var maximus mótvindus. Tók fullkominn ás á miðja braut. Svo bara 4 járn upp að vatninu (búinn að læra að taka ekki 3 tré). Tók svo aftur ásinn af miðri braut. Skildi eftir 80 metra. Eftir að hafa séð strákana taka fleygjárn inná grín og drífa bara helming vegalengdar útaf mótvindi þá tók ég bara 8 og rúllaði honum inn meter frá holu. ÍsÍ par.

Tók svo vissjus sand save á tíundu. Rétt missti fuglinn á tólftu. Monster ás á fjórtándu með 54° innáhöggi og tvípútt fyrir ísí fugli.

Svo á fimmtándu var ég orðinn þreyttur eftir vindbarninginn og fór að gera þreytumistök. Endaði skolli,skolli,dobbúl og skolli. Það mátti svo sem búast við því.

+10 hefði í raun verið mitt skor í dag. Hefði verið mjög sáttur við það. 5 högg skrifast á vindlærdóm og þreytu í lokin.

Á morgun fer ég út kl sirka 16-17

Ps ánægður með hvernig Ecco Street skórnir mínir fúnkera. Sennilega 20% minni þreyta bara útaf þeim. Ótrúlega þægilegir og bara pínu blautir eftir rigningu í allan dag. Og hef ekki runnið til á þeim í allt sumar.