1.hringur sumarsins

Fyrsti hringur sumarsins staðreynd. Ég sló 30 boltum fyrir hringinn til að hita upp og vissi að það sem ég þyrfti að passa væri 50mtr og niður útaf tötsinu sem er alltaf ryðgað á vorin og líka sveiflu gefelsið. Maður er oft eitthvað stirður á vorin og gefur sig ekki nægilega í sveifluna.

Annars var ekkert sem ég var að pæla í. Vildi bara spila og skemmta mér með engar væntingar.

1 - Ætlaði að taka bara létt á því og gaf því ekki nægilega í sveifluna. Hann dökkaðist til vinstri og beint út í á. Víti. Þriðja högg var átta frá 120m þar sem ég ætlaði að taka létt á....viti menn.....vel til vinstri, yfir braut og út í drasl. Fjórða höggið var 60° redding uppá braut. Pw vipp sem krækti. Stutt pútt. Dobbúl á fyrstu og ég gerði akkurat það sem ég ætlaði ekki að gera. Að gefa sig ekki í sveifluna. Fokk!

2 - 8 járn aftur vel til vinstri og upp í hól. Fönkí lega en ég tók Ballesteros save með Pw og setti svo púttið örugglega í fyrir pari.

3 - Flugbrautin. Gaf mig loksins í höggið og átti brilliant upphafshögg. Flottur blendingur. 54° beint á pinna en 2mtr yfir. Púttið fullkomið en cm of stutt. Par.

4 - Tók létt 80% 3 tré um 40 mtr til vinstri við grín. Varabolta nákvæmlega eins. Fann fyrsta boltan og vippaði inn á grín. Púttaði fullkomlega en cm of stuttur. Skolli.

5 - Fullkomið upphafshögg. Tré 3 pin high vinstra megin út í drasl. Kiksa 60°(tötsið ryðgað) nokkra mtr áfram. Vippa því aftur og set svo púttið örugglega í fyrir pari.

6 - Fínt upphafshögg aðeins til vinstri. 54° inná grín. Fullkomið pútt en cm of stutt. Par.

7 - Fullkomið upphafshögg. 54° 2mtr frá. Fullkomið pútt en cm of stutt. Par.

8 - 6 járn rétt við grínið vinstra megin. Lélegt vipp of langt. Fullkomið pútt en cm of stutt. Skolli.

9 - Fullkomið upphafshögg. 54° 6mtr of stutt. Fullkomið pútt en cm of stutt. Par.

10 - Upphafshögg pin high vinstra megin. Kiksa 60° rétt áfram. Vippið lélegt. Fullkomið pútt en cm of stutt. Skolli.

11 - Strikað 4 járn en of stutt. Vipp og pútt. Par.

12 - Fullkomið upphafshögg. 54° blint högg og yfir grín. Lélegt vipp of langt. Fullkomið pútt en cm of stutt. Skolli.

13 - 8 járn vinstra megin. Vipp krækti og einpútt. Par.

Á þessum tímapunkti var ég orðinn þreyttur. Lappirnar mjög þungar. Þegar það gerist þá fara höggin oft til vinstri og stutta spilið(tötsið) að klikka.

14 - Upphafshögg vel til vinstri og rétt hékk fyrir utan rautt á sjöttu braut. Reddaði kúlunni með blending 30mtr fyrir framan grín. Fínt vipp. Fullkomið pútt en cm of stutt. Skolli.

15 - Fullkomið upphafshögg. Flottur blendingar. 54° kiks. Vipp og pútt. Par.

16 - Upphafshögg vel til vinstri yfir á fimmtándu. Flott innáhögg. Fullkomið pútt en alltof stutt. Fullkomið pútt en cm of stutt. Skolli.

17 - Fullkomið upphafshögg yfir á þriðju eins og rætt var um til að hafa betri innákomu á grínið. 54° kiks. Lélegt vipp of langt. Fullkomið pútt en cm of stutt. Skolli.

18. Upphafshögg vinstra megin. Þungt röffhögg rétt undir brekku. 60° nettur lobbari sem þó góður, skildi eftir erfiðasta pútt dagsins. Niðurhalli og hægri til vinstri brot. Fullkomið pútt sem loksins náði að éta upp þessa helvítis cm sem ég hafði alltaf skilið eftir. Svona er að æfa alltaf á hörðu teppi!

Allt í allt mjög sáttur við flest nema vippin. Tötsið. Það er þó skiljanlegt. Tötsið er oft ryðgað á vorin. 79 högg með 11 fullkomnum púttum sem fóru ekki í holu útaf skorti á cm. Svona er golfið. Alltaf skýring á öllu. Kannski er bara best að þegja.

Athugasemdir

[Haukur (IP-tala skráð) 2.5.2011 kl. 23:19]

Átti líka nokkur fullkomin pútt sem fór óskiljanlega ekki í holu. Sennilega af því að við vorum að pútta yfir Himalaya fjöllin.

[Sigursteinn Ingvar Rúnarsson, 3.5.2011 kl. 00:06]

pirrandi

[Tóti (IP-tala skráð) 3.5.2011 kl. 11:03]

Djöfull er gaman að fá svona golfblogg ég er búin að sakna þess.

[Sigursteinn Ingvar Rúnarsson, 3.5.2011 kl. 20:55]

gaman að heyra. Sumarið er tíminn! Mun koma með meira svona.