Fréttir

Sebas er núna á hitalausa deginum. Fer sennilega á Gullborg á morgun. Er currentlí að leika sér að bílunum sínum. Lausleg talning þaðan sem ég sit....16 bílar, einn þriggja hæða bílakjallara/bensínstöð og tómur dobbúl seríóspakki. Allt í notkun.

Í öðrum fréttum er það helst að ég er kominn í 5.sætið í fantasí deildinni. Allt skv plani. Hef mjakað mér hægt og bítandi uppá við og stefnan er að komast upp í 1.sætið í lokaumferðinni eins og síðast. En...það þarf allt að ganga upp til að það takist. Alveg eins og síðast.

Annars styttist í Þýskalandsferðina. Við fljúgum þrjú saman, ég, Beta og Sebas til Frankfurt, þaðan keyrum við til lítils bæjar við hliðiná Wiesbaden og verðum í sirka 10 daga. Gaman að breyta aðeins um umhverfi, svo finnst mér alltaf gaman að fljúga til útlanda. Flugvellir, flugvélar, útlendingar og ég á Hawaii skyrtu.......getur ekki klikkað.