Tunga á staur í frosti

Við vorum í stuði í bílnum. Fyrst sungum við Gordjöss með Palla, svo allir eru að fá sér með Blaz roca. Reyndar hélt Sebas að við værum að syngja um að allir væru að fá sér mat. Sem var eiginlega bara fínt.

Komum heim og beint út á svalir að hengja upp jólaseríuna. Vorum öll þrjú að hjálpast að og sirka hálfnuð þegar heyrist angistaróp!

,,JE E FADDUUUU!"

Sebas búinn að festa tunguna á staur í frostinu!

Áður en ég gat eitthvað gert þá rikkti hann í burt og skildi eftir vænan slurk af tungu. Það var allt flæðandi í blóði.

Sebas varð hræddur en við héldum ró okkar og það smitaðist. Við skoluðum tunguna vel, settum fötin(sem voru öll útötuð í blóði) í þvott og kíktum á youtube klippu af dumb dumber þegar hann festi tunguna í stólalyftunni.

Erum núna að horfa á The Grinch með Jim Carrey og allir sáttir. Ég tók mynd af tungunni á staurnum, set hana inn við tækifæri. Lítur út eins og broskall.

Eitthvað grunar mig að þetta hafi verið í fyrsta og SÍÐASTA skiptið sem hann sleikir málm í frosti.

Athugasemdir

[Ace (IP-tala skráð) 27.11.2010 kl. 08:20]

hahaha sorry en frekar fyndið!! (flashback Dumb and Dumber)

vona að tungan sé í lagi ;)

spurning hvort Sebas verði smámæltur eða álíka?

[Sigursteinn Ingvar Rúnarsson, 27.11.2010 kl. 09:11]

Tungan er í lagi. Nei maður tekur ekki eftir neinni breytingu. Ekki einu sinni að kveinka sér. Það margborgar sig að pleija alltaf kúl við svona aðstæður í staðin fyrir að vorkenna honum.

Það er bara þannig, meiddið er alltaf bara jafn vont og viðbrögð foreldra gefa til kynna.