Sækó vanafastur

Var að pæla í því, ég stoppa alltaf örbylgjuofninn 1 til 2 sek áður en hann klárar að telja niður. Ég geri það því hljóðið pirrar mig. Ekki af því að mér finnst gaman að ímynda mér að ég vinni sem sprengjusérfræðingur og sé að stöðva yfirvofandi sprengingu rétt í tæka tíð.

Nei.

Fátt er meira óþolandi en þegar einhver setur í örbylgjuofninn og bíður alla leið. Svo ég tali nú ekki um dauðasyndina að fá áminningar píp.

Þetta píp getur gert mig brjálaðan. Líka pípið í vekjaraklukku.

Fleiri sækó vanar sem ég geri ósjálfrátt:

Ég set mjólkina í ískápinn í réttri röð þannig að sú sem rennur fyrst út er fremst. Það er nú eiginlega bara basic. Nánast skynsamlegt.

Ég sný klósettpappírnum alltaf eins þar sem hann hangir. Þannig að hann flæði niður að framan.

Fer alltaf fyrst í hægri skálm á buxum. Hljómar skringilega, en ef þú pælir í því þá gerir þú það örugglega líka. Kannski ekki örvhentir.

Dauðhreinsa tannburstann minn eftir notkun. Nánast. Ég má allavega ekki sjá neitt á honum. Finnst viðbjóðsleg sú tilhugsun að gera það ekki.

Athugasemdir

[GHH (IP-tala skráð) 17.11.2010 kl. 18:32]

Ég einfaldlega varð að tjekka á þessu með buxurnar svo ég vippaði mér úr þeim til þess eins að sjá í hvora skálmina ég fer fyrst. Prufaði síðan að fara fyrst í "röngu" skálmina og það var vægast sagt óþægileg tilfinning! Ég fer alltaf í vinstri skálmina fyrst, en er samt rétthentur. Þetta gæti samt stafað af því að ég er örvfættari en John Arne Riise!

Síðan er ég alveg sammála þér með fjandans pípið í örbylgjuofninum, það kemur alveg fyrir að maður rífi upp hurðina á ofninum áður en þetta leiðindapíp kemur...

[Sigursteinn Ingvar Rúnarsson, 17.11.2010 kl. 19:07]

Ánægður með þig. Já Beta var eitthvað að segja að það er venjan að rétthent fólk fari fyrst í vinstri skálmina. Eitthvað með hægra vs vinstra heilasvæði.

Ég fæ einmitt svona ranga tilfinningu þegar ég prófa hitt.

Gott að vita að ég sé ekki eini lunatikkinn í gkg.

Ætli allir aðrir séu ekki bara sækó og maður sjálfur bara heill. Spurning um að byrja kalla sig Wonko The Sane (http://en.wikipedia.org/wiki/List_of_minor_The_Hitchhiker's_Guide_to_the_Galaxy_characters)

[Lilja (IP-tala skráð) 18.11.2010 kl. 08:28]

god... ég er sammála þér með mjólkina, klósettpappírinn og tannburstann - ég meina, þetta er ekkert sækó, þetta er bara augljóst mál ;)

verð að prófa með buxurnar einhverntíman ;)