Quiet on set

Er að fara taka upp bíómynd. Mæting kl 8:30 í einhverju húsi á eftir. Svo verða tökur út um allan bæ. Ég leik Sigursvein. Hann er eini karakterinn sem lifir af í myndinni. Allir hinir deyja.

Myndin er paródía um upphaf-miðju og endi.

Til að gera langa sögu stutta þá er ég staddur upp á háhýsi í upphafi (maður er þá uppi og horfir út yfir hafið, upphaf). Svo er ég á einhverjum tímapunkti á miðjunni sem verður líklegast miðjan á Valbjarnarvelli. Fæ svo verkefni um að finna endann á pulsu. Finn hann og er þá farinn í gegnum þessa kvikmyndaklisju sem er upphaf-miðja og endir.

Frekar súrrealísk mynd. Hugmyndina átti Róbert sem er í Hljómsveitin Ég(gáfu út Plata ársins). Svo útfærði Óli Thorvaldz þetta betur með loka handriti. Óli þessi er að tala inn á flest á stöð tvö. Talar m.a. fyrir Diego. Óli er leikstjórinn og Toggi sér um tæknilega útfærslu. Toggi er gæjinn sem gerði Keflavík Kingston, BSÍ, heimildarmynd um Bítlabæinn og fleira.

Kvíði mest fyrir því að þurfa vera upp á háhýsi í Borgartúninu klæddur aðeins í skyrtu, bindi og stuttbuxur. Þannig er það skv handriti allavega. Verð bara að hugsa hlýjar hugsanir svo ég frjósi ekki.