Paul Lawrie og ég erum like this[skrifar Sigursteinn og krosslegur fingur]

Var ég búinn að segja þér söguna af því þegar Paul Lawrie talaði við mig?

Paul er eini gæjinn sem hefur unnið Opna Breska meistaramótið og talað við mig (fatta ekki hvaða stælar eru í öllum hinum!).

Hann vann Opna Breska árið 1999. Mótið sem Jean Van Der Velde klúðraði eftirminnilega.

Allavega, til að gera langa sögu stutta þá talaði hann við mig.

Ég var að fylgjast með Opna Andalúsíu mótinu árið 2008 þegar Biggi Leifur tók þátt. Var staðsettur á tíunda teignum. Það voru ekki margir áhangendur þarna og basically bara ég, sitjandi á stól aftast á teignum, og kylfingarnir.

Ég var eitthvað utan við mig er ég var að gramsa í plastpokanum sem ég hafði meðferðis þegar títtnefndur Paul Lawrie bað mig um að hafa lægra.

Eins og ég sagði, hann talaði við mig. Tæknilega séð.

Þetta var nú samt meira svona hann að sussa á mig ef ég á að vera alveg hreinskilinn.

ps. á þessu sama móti sem Paul Lawrie talaði(tæknilega séð) við mig, talaði ÉG við Johan Edfors. Meira um það á morgun.