Fótbrot

Hvað var í gangi í gær? Var einhver að pynta vúdúdúkku sem líktist mér?

1. Ég fór út með ruslið og skar mig á glerbroti til blóðs. Þunns blóðs sem var lengur en ella að storkna.

2. Ég stóð upp úr bílnum á einhvern máta þannig að það small eitthvað í vinstra hnéinu. Það er ennþá vont.

3. Ég hlammaði mér í sófann og tók ekki eftir því að það var hardcover bók sem lá uppi á bríkinni. Hornið á henni stakkst inn í bakið á mér og myndaði þennan líka fallega marblett sem er svipaður að stærð og Texas.

4. Beta skrapp út en skildi eftir símann sinn. Hann hringdi og mér brá svo að ég stökk upp úr sófanum og ætlaði að svara með snatri. Það vildi ekki betur til en svo að ég, ekki bara rak, heldur dúndraði litlu tánni á vinstri fæti í fótinn á borðinu. Ég lá óvígur á gólfinu af sársauka og Sebastian kom og bauðst til að kyssa á báttið. Ég náði ekki að svara.

WASSAP PÍPÚL!!!

PS. held ég sé litlu tá-ar brotinn. Mig verkjar og ég kenni þeim sem hringdi um fótbrotið. Held það hafi verið Dóri, vinur Betu.