Félagsvísindakönnun

Ég er með félagsvísindakönnun í gangi sem staðið hefur núna í meira en ár.

Ég sagði frá þessu fyrir nokkru en núna er ný framvinda til frásagnar.

Þannig er mál með vexti að einu sinni fór ég inn á síðu sem auglýsir fitutap, fitness og almennar ráðleggingar um heilbrigt líferni.

Skömmu síðar byrjaði ég að fá póst frá þeim með reglulegu millibili. Hann var skemmtilega persónulegur og innihélt ráðleggingar og tips um allt ofangreint.

Ég fékk póst sirka á þriggja vikna fresti eða svo.

Mér datt í hug að sjá hve lengi þau myndu halda þessu áfram án þess að ég svaraði né blokkaði þau.

Þetta hefur staðið núna í meira en ár.

Núna fyrir um viku síðan þá setti ég aðra breytu inn í dæmið. Ég svaraði.

Ég þakkaði þeim fyrir póstinn.

Núna fæ ég póst nánast á hverjum degi.

The saga continues....