Wired

...annars mæli ég með að fólk lesi hið skemmtilega tímarit Wired. Keypti nýjasta ritið því mér líkaði forsíðumyndin. Hún er af Will Ferrel og efni blaðsins snýst m.a. um hvað varð um alla þessa tækni sem framtíðin átti að bera í skauti sér.

Hvar eru svifbílarnir, hvar eru jetpakkarnir, hvar eru öll vélmennin og af hverju búum við ekki á Mars á þessum tímapunkti.

Mjög skemmtileg lesning og Will er með sínar eigin meiningar um hvað hann saknar að tæknin hafi ekki skilað sér. Eins og t.d. ætilegt gerviskegg, handfrjálst sjampó og afmæliskaka með burrito.

Þetta plús áhugaverðar greinar um skemmtilegt nördastöff, skrifað af nördum með húmor.