Hárgreiðslumaðurinn Ég

Ég er hárgreiðslumaður. Ég hjálpaði Betu við að lita hárið sitt. Ég fór fagmannlegum höndum um rætur hársins eins og ég hafi aldrei gert neitt annað.

En þetta er ekki í fyrsta sinn sem ég lita hár.

Beta er ekki minn fyrsti kúnni.

Minn fyrsti kúnni hét Adnane og var tvítugur Marokkóbúi sem ég leigði með árið 2000 út á Spáni. Hann safnaði kakkalökkum í kókakóla flöskur.

Ég leigði með honum í tvo mánuði í skuggalegasta hverfi Málaga. Við erum að tala um shady stöff sko. Vafasamir menn á götuhornum, óhreinar götur og kakkalakkar út um allt.

Ég veit ekki hve kunnulegt fólk er kakkalökkum en fyrir þennan tíma vissi ég ekkert um þá. Þið getið þá ímyndað ykkur andlitið á mér þegar ég skúbbaði einum út um gluggann með fægiskóflu upp á þriðju hæð og helvítið tók ubeygju í loftinu og flaug aftur inn um gluggann!

Jebb. Þeir fljúga nefnilega. Ekki margir sem vita það. Ég fraus þar sem hann tók lágflug yfir vinstri öxlina á mér. Eftir þetta lærði ég að skella glugganum strax á eftir mér.

En allavega, ég er kominn með samtals tvo kúnna í stólinn hjá mér.

Marakóskan meðleigjanda sem var kakkalakkasafnari og svo Betu.

Og í þetta sinn notaði ég hanska! En það er efni í aðra færslu skal ég segja ykkur.

Athugasemdir

[Ragnheiður Arna Magnúsdóttir (IP-tala skráð) 5.9.2010 kl. 11:56]

eeeeewwwwwww fæ hroll!!!