2.stigamót Gsí á Gkg

Kominn heim eftir maraþon golf dag. Tók tvo hringi og byrjaði 6:30 og spilaði í 4:20. Klukkutíma pása og byrjaði aftur kl 12 og spilaði í 4:10.

Nokkuð góður tími á okkur félögunum. Ég spilaði með Rabba í Erninum Golf og Örvari Sam frá Akureyri. Báða hringina.

Ég spilaði ljómandi vel. Sá fyrri á +4 sem er lækkun og seinni á +8 sem er tveim höggum frá gráa svæðinu.

Á seinni níu á síðari hringnum má klárlega sjá þreytumerki. Skolli,skolli,skolli,par,skolli,par,skolli,par,par.

Allir þessir skollar koma eftir ókarakterískt lélegt högg sem ekki tókst að bjarga. Skrifast á þreytu og ekkert annað.

Vippin voru heldur betur að kikka inn. Vippaði tvisvar ofan í og tvisvar neðst í stöngina og óheppinn að kúlan hafi ekki farið ofan í.

Upphafshöggin voru fín. Járnin mjög góð og púttin ágæt, hefðu mátt vera pínu betri á seinni hringnum.

+12 niðurstaðan og núna er að bíða og sjá hvað hinir gera. Margir eftir að koma inn. Þegar ég var að pakka í bílinn voru T-dog og The Hawk að labba aftur á fyrsta teig. Þannig að allt getur gerst.

Allt í allt er ég mjög sáttur við spilamennskuna og helgina yfir höfuð. Ekki má gleyma því að ég fór 3 hringi á meðan 70% kylfinga fóru bara 2 hringi. Það munar um það.