2.stigamótið handan hornsins

Það eru komnir rástímar fyrir 2.stigamótið sem er hér á gkg. Leiknir verða tveir hringir á laugardeginum og svo einn á sunnudeginum.

Ég er svo fáránlega heppinn að vera í fyrsta ráshóp kl 7:30. Það er helber snilld. Við erum þá þrír saman og spilum þetta sirka á rúmum 4 tímum. Þá kannski fær maður tæpan klukkutíma í hádegismat því við eigum svo aftur rástíma kl 12:30.

Miðað við það sem maður hefur séð þá eru ákveðnir aðilar í þessum stigamótum sem taka allt of langan tíma þannig að það fólk á eftir að hægja á öllum hinum. Síðasti rástíminn á fyrri hringnum er kl 12 og ég býst við því að þeir verði ekki undir 5 tímum að spila.

Það verður hins vegar erfitt að spila 36 holur svona nánast í einum rikk. Ég fæ Betu til að draga seinni hringinn fyrir mig sem ætti að létta aðeins á.

Ég spilaði í dag og var ekki að leika vel. Því miður. Er eitthvað búinn að týna mómentinu. Svo ætla ég að hvíla á morgun og föstudag fyrir utan smá æfingu til að leiðrétta sveifluna.