Pungurinn þriggja ára í dag

SEBASTIAN Á AFMÆLI Í DAG!!!!!!!!!

Vil nota tækifærið og óska prinsinum til hamingju með afmælið. Hann er þriggja ára í dag.

Ég horfði á hann opna litlu augun sín smátt og smátt í morgun. Þegar hann sá mig færðist yfir hann bros. Ég spurði hvort hann vissi hver ætti afmæli í dag. hann svaraði ,,Stefanía?", nei sagði ég ,,Björn Dagur?", nei sagði ég ,,hver þá?" sagði hann. Sebastian sagði ég og brosið hans breikkaði um nokkra millimetra í viðbót.

Hann var ekki lengi að slá um sig og sýna prímadonnu stæla. Hann vildi fara í ákveðin föt í tilefni dagsins. Hann vildi fara í gallaskyrtuna sína og í allt of stuttu gallabuxurnar sínar (cowboy þema í gangi?). Hann vildi vera með latabæjar derhúfuna sem litla frænka hans gaf honum í gær OG hann vildi fá djúsglas.

Allt þetta á fyrstu 5 mínútum dagsins.

Hann vildi syngja ,,drekalagið" í bílnum. Það er actually lagið ,,sticks and stones" með jónsa sem gert var fyrir dreka myndina sem er í bíó". Lagið var á rípít.

Við trommuðum með í bílnum í trommukaflanum og öskruðum úr okkur lungun. Sáum árekstur á leiðinni og urðum næstum bensínlausir. Fengum afmæliskórónu þegar við loks komust á leikskólann og fáum svo 16 manna spiderman köku heima á eftir og risa pakka með rafmagnsbíl frá pabba.

Það er ævintýri að vera þriggja ára.