Malt

Ég lá andvaka frá 00:00 til 02:00 og hlustaði á nokkrar breiðskífur í Ipoddnum með nýju Sennheiser heyrnatólin mín.

Byrjaði í A-inu og fór í Jagged little pill með Alanis. Hún er ágæt.

Fór svo í B-ið og hlustaði á ,,í sex skrefa fjarlægð frá paradís" með bubba. Tregablandnir textar segi ég og skrifa. Mjög áhrifaríkt og falleg lög inn á milli (en hallærisleg þess inn á milli).

Nennti ekki í C-ið og hélt mig í B-inu og tók Beirut skífuna ,,the flying club cup". Hún er flott. Franskt yfirbragð og fallega melónkólískt stöff.

Náði svo slitróttum svefni frá 2-6 þar sem ég þurfti þrisvar að vakna og róa Sebas niður sem var eitthvað kvektur.

Klukkan 6 vildi hann svo vakna (nýtt met hjá honum). Hófst ég þá handa við að snúsa hann niður sem tók klukkutíma. Þá var fólkið í húsinu vaknað og ég náði ekkert að sofna eftir það.

Ég vakti svo pungsa klukkan 8:16 og sagði honum að fara inn til stelpnanna og vekja þær. Hann hljóp ferskur og útsofinn sem blá þruma eftir ganginum á meðan ég dró lappirnar eftir mér sem uppvakningur.

Útfrá þessu fékk ég mér malt til að hressa mig við. Og er enn ekki farinn aftur að sofa. Helvítis maltið svínvirkar.