að vera raunsær eður ei

Við vorum að vinna í pre-shot rútínunni á æfingu í gær ásamt því að fara soldið í burtu frá tæknihugsunum í sveiflu í átt að spilasveiflu.

Derrick lét okkur gera nokkrar hugaræfingar og slíkt og svo enduðum við á því að spila síðustu þrjár holurnar á vellinum útí eyjum þar sem fyrsta stigamótið verður næsta sumar.

Við vorum sem sagt að ímynda okkur öll höggin og reyna að vera actually á staðnum í huganum.

Þetta gekk bara vel. Maður tók upphafshögg og svo járnahögg í netið. Fór svo og vippaði og púttaði til að klára holuna.

Eftir að hafa klárað holurnar mínar þá tékkaði ég á því hvernig strákunum hafði gengið.

Þeir allir frekar kokhraustir og voru 2-3 undir pari, sem mér fannst merkilega gott miðað við þennan mótvind sem geisaði á vellinum.

Ég sjálfur fékk par á 16 og 18 en fór beint í sjóinn á sautjándu og endaði á tripple bógí þar.