BóVÍ ferðin á heimsenda

Nú er það svart, allt orðið hvítt. Eins og skáldið sagði.

En að öllu gamni slepptu þá er þetta áfall fyrir mig þar sem ég ætlaði hugsanlega að fara í golf um helgina á Hellu. Það verður eitthvað minna um það sýnist mér.

Það tók mig 70 mín að keyra frá Garðabæ útá granda með Sebas. Það var spes ferð. Sebas skyldi ekkert í þessum hægagangi. Hann bað um sjóræningjalagið í sárabætur en ég sagði honum að þeir væru að lúlla þar sem ég er kominn með ógéð af latabæ. Þá bað hann um David Bóví og ég gat nú ekki neitað því.

Það var því kátt á hjalla í að minnsta kosti einum bíl af milljón sem snigluðust inn í Reykjavík. Það var Surrogate City á repeat. Sérstaklega kaflinn með whem,bem, thank you mam.