Draumur

af hverju dreymdi mig Bjössa Alberts! Það var einhver fiesta hjá okkur í húsinu þar sem við árbakkan er á Blönduósi. Nema þetta var handmenntahúsið eins og í gamla daga. Allavega þá var hann að baka pitsu handa okkur í þynnkunni.

Súrt.

Af hverju dreymdi mig Björgvin Smára úr gkg! Ég var staddur í sal þar sem tónleikar áttu að fara fram, sennilega í tónleikasal Kópavogs(eða er ekki eitthvað sem heitir það, whatever). Á sviðinu var maður á píanó og svo Björgvin Smári með bassa um hálsinn. Þeir spiluðu eitthvað klassískt stöff en síminn hringdi hjá einhverjum. Allir pirraðir útí þennan sem gleymdi að setja símann á silent.

Ég fattaði þá að ég þurfti líka að láta minn á silent. Þar sem ég strögglaði við það þá varð konan við hliðina á mér pirruð. Tjélling sirka 38 ára gömul og mjög pirrandi, ekta Tjéeeeelling. Okkar á milli urðu orðaskipti. Draumurinn búinn.

Súrt.

Yfir til þín Esteban!

Athugasemdir

[Rögnvald Harald (IP-tala skráð) 29.1.2010 kl. 22:14]

Fyrri draumurinn bendir klárlega til samkynhneigðar. Þú ert á jaðrinum við að koma út úr skápnum (enda ekki mætt á afhommunarnámskeið hjá mér) sbr árbakki sem táknar jaðarinn. Allt var eins og í gamla daga en þið voruð á öðrum stað sem getur táknað breytt samband ykkar í millum eða von um það.

Seinni draumurinn er einnig auðráðinn. Þú og Björgvin Smári hafið sama áhugamál eða markmið og táknar BS áhugamálið sbr hann spilar tónlist á sviðinu. Erfitt hins vegar að segja til hvaða áhugamál um ræðir. Ljóst er að það er sameiginlegt áhugamál eða markmið ykkar, hvað sem það er. Þú telur að eitthvað utanaðkomandi sé að koma í veg fyrir að þú náir að stunda þetta áhugamál eða ná markmiði sbr manninn sem gleymdi að slökkva á símanum. Í raun og veru er ástæða þess að þú nærð ekki að stunda áhugamálið eða ná markmiðinu þér sjálfum að kenna. Þú lætur utanaðkomandi hluti trufla þig en það að láta utanaðkomandi hluti trufla þig er í raun að trufla þig. Það að þú truflir 38 ára konu útaf því að maðurinn truflaði áheyrendur gefur það til kynna. 

Auðvitað er möguleiki á að ég sé að ekki að ráða skilaboð draumsins rétt en ég er engu að síður fagmaður fram í fingurgóma og hef góða tilfinningu fyrir þessari draumráðningu. Tek samt fram að í draumráðningum er ætíð einhver óvissa með skilaboð drauma.

Ég vil einnig benda þér á að á draumar.is getur þú haldið úti draumadagbók og flett upp draumahugtökum til að ráða drauma þína.

Dreymi þig vel!

Bestu kveðjur,

Rögnvald Harald