nýjar myndir

setti inn nokkrar myndir í albúm 16 á myndablogginu hér til vinstri. Gerði það aðallega fyrir Pedro sem vildi fá að sjá afkvæmi Brad,Jessicu og Guðs.

Einnig er myndasería frá fyrsta ísnum hans Sebas og ein golfmynd.

Brenndur

Sæll, ég fór í fyrsta sinn í ár í stuttbuxum í golf. Í.

Djöfull er ég brenndur á löppunum. Þetta var officially heitasti og besti sólardagurinn á spáni í ár segir veðurfrétta stúlkan.

Spilamennskan ágæt en soldið off með ásinn og pútterinn. Það kom á 17.brautinni. Normalt eftir þriggja daga hvíld með ný verkfæri.

Tek netta æfingu á morgun til að lúbríkeita þetta.

Er skráður í tvö mót, eitt á laugardaginn og hitt þann næsta.

Ekkert stórmót á dagskránni. Tja, það næsta verður sennilega á Íslandi í gaddi, hvirfilbyl og viðbjóði ef ég þekki mína rétt.

Úlnliðurinn er alveg jafn slæmur og um helgina. Ég segi bara fokkit og töffa þetta út. Læt ekki þetta moðerfokking drasl stoppa mig. Ride the pain, just ride the painwaves.

ps. fór skyndilega í klippingu sjálfum mér á óvart. Ef Brad Pitt, Jessica simpson og guð myndu eignast barn saman, yrði hann líkur mér.

srsly

see more Lolcats and funny pictures

...hugsaði snjólfur og hörfaði í fylgsni sitt og settist aftur að teikniborðinu

see more Lolcats and funny pictures

Sebas

Vek athygli á djúkaranum hér efst til hægri þar sem m.a. má finna viðtal við Sebastian. Tekið fyrir allnokkru af mér rétt fyrir matartíma.

Langt síðan ég hlustaði á þetta og rakst á þetta fyrir tilviljun.

Þetta er þriðja efsti hljóbúturinn

Þarna er aumingja litli pungurinn að reyna að fá pabba sinn til að drullast í mat sbr. mati sem þýðir að sjálfsögðu matinn. Þarna var hann farinn að muldra ýmsa hluti. Núna er hann óstoppandi. Farinn að syngja afmælissönginn og fleiri vinsæl lög. Maður tekur ekki eftir framförinni fyrr en maður rekst á svona gamlan bút.

Er eitthvað sætara en þetta................

ofangreint er ekki spurning heldur de facto.

Úln

Búinn að hvíla í þrjá daga og finn smá mun í úlnliðinum. Fer núna á eftir að spila hring með graham og gabriel og sé þá hvernig draslið virkar.

Það er mannskemmandi að vera svona lengi inni. Hefði nú getað farið út en ég nennti því ekki. Of mikil sól.

Ég er kominn í stuttbuxurnar og verður þetta í fyrsta sinn í ár sem spánverjar fá að sjá spóaleggina.

believe it or not, þeir eru enn tanaðir síðan í fyrra. Kannski eru þeir bara svona skítugur, hlýtur eiginlega að vera.

Sebas

Pasapalabra er þáttur sem ég missi ekki af á telecinco.

Þetta eru þrír á móti þremur. Í hvoru liði eru tveir frægir og einn normal jón jónsson.

Leiknar eru 4 umferðir og vinnast inn stig fyrir hvern sigur. Stigin eru í raun sekúndur sem safnast saman og notast í lokalotunni sem heitir Rosco.

Ein umferðin er t.d. melónurnar, sem gengur útá að vera fyrri til og svara svo spurningunni rétt.

önnur umferð er t.d. flóknuorðaleikurinn sem gengur útá að spyrillinn kemur með lýsingu á orðinu og liðið þarf að geta orðið. Þetta eru erfið orð.

Svo þegar þetta allt er búið er fræga fólkið kvatt og eftir stendur þetta normal fólk, einn á móti einum.

Lokalotan gengur svo útá að hver stafur í stafrófinu er eitthvað orð sem spyrillinn lýsir. Hvor keppandinn er með sitt stafróf og gengið er á alla stafina í röð og sekúndurnar sem unnar eru inn í fyrri umferðum eru tíminn sem viðkomandi hefur. Vanalega um 125-145 sek.

Ef viðkomandi svarar öllum orðunum rétt fær hann alveg frá 100þ evrum uppí hið óendanlega, hef mest séð 350þ€. Því ef engin getur öll orðin safnast þetta nefnilega saman og er notað í næsta þætti. Ef báðir eru með jafn mörg orð rétt þá fara þau bæði áfram í næsta þátt. Ef einn nær ekki öllum orðunum en vinnur hinn þá fer hann áfram í næsta þátt og vinnur sér inn 1200€ í leiðinni.

Það er einn sem er búinn að vera í um 30 skipti í röð og er algjör orðabók. Þessi þáttur er á hverjum degi og er snilld. Allir eru að reyna að slá honum við en hann er brilli.

Það vantar svona skemmtilega þætti á Íslandi.

Slash

Er að hlusta á fyrstu Slash´s snakepit plötuna sem heitir It´s 5 o´clock somewhere. Maður sér alveg hvernig sirka 3-5 lög hefðu getað orðið Guns klassíkerar með hjálp frá Axl.

Þarna er smá neisti sem snillingurinn Axl hefði getað prjónað við og búið til tímalausa slagara.

En svo er ekki og þessi plata sökkar feitt.

Kjósa að gjósa

Nú skylst mér að fólk sé að undirbúa sig undir kosningar á Íslandi. Djöfull er ég feginn að vera fjarverandi. Það er ekkert leiðinlegra en að velta þessu fyrir sér. Á endanum er þetta allt saman skítapakk upp til hópa sem hugsar bara um sín four more years.

Fyrir mér er ekki hægt að kjósa stjórnmálaflokk. Maður er alltaf bara sirka 50% og í mesta lagi 60% sammála málefnunum. Það gengur ekki.

Fyrir mitt leyti yrði ég að vera sirka 90% sammála hóp fólks til að styðja hann.

Ég myndi frekar bara vilja kjósa manneskjur á þing. Það yrði tímafrekara því maður þyrfti að kynna sér persónuna og þær yrðu þá nokkrar slíkar sem þyrfti að stúdera. En það yrði samt þess virði.

Tók eitthvað próf á netinu sem sagði mér að ég væri um 50% sammála Samfylkingu, 45% sammála Sjallanum og Frjálsa og restin minna.

Óásættanlegt.

krípí gaur þarna fyrir aftan

http://www.b2.is/?sida=tengill&id=315046