Johnny Aspen

Johnny Aspen á afmæli í dag. Ef þið þekkið hann ekki þá gengur hann stundum undir nafninu tönnin, dinho, Clarke Kent eða bara Sverrir.

Ég held svei mér þá bara að hann hafi náð þriðja tuginum í dag. Ótrúlegt. Enda orðinn grár í vöngum.

Í dag eru líka nákvæmlega 9 ár síðan ég og hann flugum frá Íslandi til Spánar í leit að lífi og ævintýrum. Til að gera langa sögu stutta þá fundum við einmitt það.

9 árum seinna þá bý ég á spáni og á spænska konu sem ég hitti einmitt á þeim tíma og við eigum saman barn. Dinho, hins vegar, þykist enn kunna spænsku 9 árum seinna enda var hann duglegur í vokabúllarí bókinni á meðan ég lá á ströndinni. Myndi samt segja að hann væri fyrst orðinn skiljanlegur á fjórða glasi. Ekki fyrr.