Snillingur

Spilaði í góðu holli. Einn gæjinn var svo svalur að ég þurfti að taka mynd af honum. Hann er lengst til hægri á myndinni. Á fyrstu gjörsamlega flengdi hann upphafshöggið sitt svo að menn höfðu orð á. Hann fór meira að segja um 1 meter lengra en ég!

Svo á þriðju flengdi hann annað en það var hilarious því það fór sirka 170 metra til hægri við brautina. Slæs dauðans. Út fyrir vallarmörk sem ég vissi ekki einu sinni af. Það er hestamannastígur þarna (sem ég tók fyrst eftir núna) og þegar hann ætlaði að fara að slá sitt þriðja af teig þá hörfaði hann skyndilega frá högginu og leit á okkur alvarlegur. 

"Best að bíða eftir helvítis hestinum sem kemur þarna"

 Við erum að tala um að þetta er svo langt til hægri að ég hafði bara aldrei horft í þessa átt.

Hollið dó næstum úr hlátri.

Svo flengdi hann kúluna upp að minni. Þá datt af mér kjamminn því ég tók nefnilega gott dræv. Ég spurði hvað hann æti í morgunmat. Þá sagði hann svalur:

"tja, ég fékk mér einn magic á þeirri fyrstu"

Hollið dó aftur úr hlátri.

"já, ég er alveg kófsveittur á kálfunum eftir það" 

Það var fullt af öðrum mómentum hjá þessum snillingi en líklega svona had to be there móment.

Eitt skemmtilegt við þennan mann að þegar hann var að munda höggin sín, koma sér í stöðu og svona, þá talaði hann alltaf við sjálfan sig. Peppaði sig upp. Var að segja t.d. í púttum að holan væri svo stór, hún væri eins og sundlaug og slíkt til að hugsa jákvætt. 

Svo lifði hann sig svo mikið inn í þetta. Þegar maður kannski rétt missti pútt þá var hann svo spenntur að pútterinn hans kastaðist upp í loft. Rosa innlifun. 

mót

Fór í manudt mótið í morgun eftir 5 tíma svefn tvo daga í röð. shout out til Pedros.

Spilaði ágætt golf. Var á +3 eftir 16 holur þar sem ég fæ 2 högg í fgj. Á 17.brautinni sem í raun er sú níunda þar sem ég byrjaði á 11.holu, fékk ég tripple.

Framkvæmdi höggið fullkomlega en vindurinn hafði ekki þau áhrif á kúluna sem ég vildi. Og hafði séð meðspilara slá högg inná grínið og ÞAR tók vindurinn í.

Í raun mjög sorglegt því ég er að spila mjög vel. SAAAAAAAAAAAAAAAARGASTI.

Hitti 8/12 brautum, 12 grín og 32 pútt.

Varð níundi í höggleiknum. Maggi Lár vann á -4, djöfull er hann heitur.

tölur

Lenti í 51-54 sæti í mótinu af 119. Sæmó.

Var búinn að segja að 40 og eitthvað yrði góður árangur. 50 og eitthvað er því á gráa svæðinu.

konfúsíus wisdom

see more Lolcats and funny pictures

manure

Á morgun er það svo annað mót. Manchester United mótið. Að öllu jöfnu hefði ég nú ekki skráð mig í það því ég er púllari en þetta er stórt mót með sterkum spilurum og er á mínum heimavelli.

Það verður ræst út á öllum teigum kl 9 og þetta verður bara gaman.

Svo er hvíld á þriðjudaginn og loks mót á miðvikudaginn á selfossi.

Meira er ekki planað í næstu viku. Er einhver með uppástungur? Binni, hvenær er The race to blönduós?

2.hringur í 1.stigamótinu

Fór á +8 og því á plús 14 í heildina sem skilar mér í 55.sætið af um 120 keppendum eins og staðan er núna. Gæti breyst um 1-3 sæti upp á við.

par,par,dobbúl,par,par,par,skolli,dobbúl,fugl = +4
par,skolli,skolli,skolli,skolli,par,par,par,par = +4

Til að gera langa sögu stutta þá var þetta ágætt golf en með þrem mistökum.

Fyrst á bergvíkinni þar sem ég tók bara örugga sjöu og átti auðvelt vipp eftir. Skölllaði vippið yfir grínið og tókst ekki að tryggja púttið til baka sem var um 20mtr. Mistök eitt.

Svo á par 3 áttundu átti ég frábært högg en yfirskaut grínið aðeins. Lélegt vipp og nánast sami hlutur nema þetta var ekki sköll. Mistök tvö.

Svo kom þarna skollahrina sem á sína sögu. Var að spila mjög vel, hitta allar brautir og öll grín, nema hvað, ég byrjaði að líta upp í púttunum. Fattaði það ekki fyrr en eftir þrjár holur. Þannig að þessi fuglapútt breyttust í þrjú þrjúpútt í röð. Skelfilegt. Nákvæmlega eins þessar brautir. Sömu mistök. Bömmer. Mistök þrjú.

Þarna eru 7 högg farin, svo náði ég ekki sand save á sjöundu braut. Eitt högg. Og loks smá æfingar þarna á fjórtándu sem orsökuðu eitt högg tapað.

En svo maður tali nú aðeins um það jákvæða þá fékk ég fugl á níundu. Innáhöggið var að leka í fyrir erni en stöngin var í holunni og stoppaði kúluna. tap in fugl.

Hitti 10 brautir og 12 grín en með voppin 36 pútt. Þessi þrjú þrjúpútt og svo tvö fuglapútt sem hefðu átt að detta.

+6 og +8

Hefði verið sáttur við +4 og +6. En svona er þetta. Þetta er ásættanlegt en ekkert meira. Þetta er allavega framför frá því í fyrra þegar maður var að reyna að breika 80 með góðum hring. Núna er lélegur hringur 80.

Vill þakka móður minn fyrir að draga settið fyrir mig. Hún stóð sig eins og hetja, með allar þessar ströngu reglur sem ég set henni. Hún leysti þetta verkefni mjög vel af hendi.

Spilið

Allt var frekar auðvelt í dag. Sveiflan, vippin og púttin voru öll fín og í raun effortless. Mjög ánægður með það.

Það máttu detta þarna um fjögur pútt en það er alltaf svo á golfhring. Stundum gerist það en oft ekki.

34 pútt, 11 grín og 8 brautir. En nota bene, það skipti litlu þótt maður sé ekki nákvæmlega á braut. Og svo var ég oft ekkert að leitast eftir að enda á brautinni. Stundum tók ég smá short kötta á þetta.

Bara í raun 2 upphafshögg sem ekki fóru þangað sem ég vildi. En voru samt bara á fínum stað. Ekkert vesen.

Í raun var þetta allt bara venjulegt, allt í fína, tippikal hringur, nema þessi önnur braut. So be it.

Ég spái sæti 49 eftir fyrri hring.

Fyrri dagur 1.stigamóts

Par,tribble,skolli,par,skolli,skolli,par,par,fugl = +5

par,par,par,par,par,skolli,par,par,par = +1

Plús 6 í dag og þetta bara ágæt byrjun á sumarinu.

Rétt missti fugl á fyrstu. Svo kom fínt upphafshögg á annari með 19° og skildi eftir 140 metra í flagg. Þeir sem þekkja þessa holu vita að innáhöggið er mjög erfitt. Það var hliðarmeðvindur þannig að það var annað hvort að fade-a 8 uppí hlíðina eða taka 9 og ride the wind. Ég tók níuna en lenti um 5 metrum of ofarlega í hlíðinni og fór í stein og boltinn týndist. Mjög leiðinlegt því þetta var fullkomlega framkvæmt högg. Bara af því að þetta var blint högg og ég þekki ekki völlinn nógu mikið, var miðið of langt uppí.

Þurfti því að endurtaka höggið. Nákvæmlega eins perfect högg en núna 5 metrum neðar og kúlan sleikti stöngina var mér sagt. Niðrí móti pútt, soldið langt sem ég ætlaði að hamra í fyrir skolla. Fór of langt framhjá og átti erfitt pútt tilbaka.

Svo kom bergvíkin. Sá að strákarnir sem ég spilaði með tóku fyrst 5 járn og var of langur. Næsti tók 6 járn og var of langur. Ég tók 7 járn og sló feitt í jörðina. Djöfull var ég viss um að kúlan færi í víkina. Rétt slapp en varð að sætta mig við skolla.

Fullkomið teighögg á fjórðu. Innáhöggið aðeins of stutt og endaði í vinstri bönker. Erfitt högg uppvið brúnina en ég smurði kúlunni uppað pinna og paraði.

Rétt missti parið á fimmtu. Skömm. Yfirskaut svo grínið á sjöttu og lenti í killer röffi. Mjög flott röff. Þurfti að taka 60° og taka í raun glompuhögg uppúr röffinu því það var svo hátt og þykkt. Planið var að hitta eina kúluna hjá strákunum en ég sleikti hana. Óheppinn. Náði svo ekki púttinu oní. Skolli.

Á sjöundu fór ég bara beint á pinna. Vinstra megin við glompurnar. Það var mótvindur og ég átti 150 mtr eftir í röffi. Þeir sem þekkja þetta grín vita að það er vangefið. Pinninn var uppi hægra megin. Ég tók því blending (af 150mtr!) og tók högg dagsins. Þurfti að fara beint yfir vinstri glompuna, og lenda á efsta pallinum vinstra megin á gríninu til að geta nálgast pinnan hægra megin. Heppnaðist fullkomlega og kúlan lak svo niður efstu brekkuna og stoppaði rétt fyrir ofan pinnan. Rétt missti fuglapúttið.

149mtr á par 3 áttundu tók ég 4 járn í mótvindi. Hitti grínið og auðvelt par.

Miðaði á klúbbhúsið á níundu í hliðarvindi dauðans. Dró hann fallega inn til vinstri og var í brekkunni. Lét kúluna skoppa niður brekkuna með PW og endaði um meter frá. Auðveldur fugl.

Síðan á þrettándu, par 3 yfir vatnið, var pinninn í 196 mtr fjarlægð í hliðarvindi. Högg dagsins númer 2. Miðaði blending sirka 20 metra hægra megin við grinið og dró hann inn til vinstri. Pin high 2 metrar frá holu á þessari erfiðu holu. Missti fuglapúttið því ég var með vindinn í bakið og búkurinn skynjaði (ranglega) að ég þurfti bara rétt að tappa í kúluna og vindurinn myndi feykja henni í holuna. Ekki svo. Skildi það eftir stutt. Auðvelt par. Svipað og þegar maður púttar í mótvindi og tekur of mikið á því.

Á fimmtándu heppnaðist innáhöggið ekki nógu vel og endaði í glompu. Náði ekki sand save í þetta sinn. Eini skollinn á síðari níu.

Annað var ekki markvert.

ölver barsmíðar

Kíkti á pedro í kvöld og við pikkuðum tönnina upp. Fengum smess frá Bjarna Loco um að Ölver væri málið í kvöld. Við litum á hvorn annan og vorum fullir efasemda.

Ákváðum samt að slá til eftir að Senor Loco fylgdi þessu eftir með öðru smessi um að það væru einungis 3 mín í að hann færi uppá svið að taka "The winds of change" með Scorpion í kareókí. Við þangað.

Þetta var ló kí en bara fínt samt. Höfðum gaman af allskonar karakterum sem fóru uppá svið. Með misjöfnum árangri.

Þegar þetta var orðið gamall brandari þá létum við okkur hverfa. Við skutluðum tönninni heim og stoppuðum svo á rauðu ljósi.

Sáum drukkið par æða útí traffíkina og við bara shit! hvað er í gangi. Sáum svo fljótlega að kallinn var eiginlega að elta konuna.

Sáum svo skelfingarsvip á henni og öskur.

Ég leit á þau og hugsaði, heimilisofbeldi!!!! Gerði mig líklegan til að stökkva út úr bílnum og útí traffík til að stöðva barsmíðar þegar ég sá mann í úlpu koma hlaupandi þvert fyrir bílinn. Þá var þetta Pétur.

Hann er tilfinningarvera og ekki lengi að henda sér út til að skakka leikinn. Hann fer eftir gut feeling og sýndi samúræja takta við að hugsa sig ekki tvisvar um.

Ég fylgdi á eftir í backup með öskur og læti því þetta var bara að fara að gerast. Kallinn var að fara lemja konuna. Eða svo við héldum.

Kellingin var fljót að hlaupa að okkur og kallinn fylgdi á eftir. Bæði sauðdrukkin. Hann var samt fljótur að segja að þetta var konan hans. Og að hún hafi stolið kreditkortinu hans.

Ok, við bökkuðum því aðeins og sáum til. Létum þetta aðeins spilast út. En þetta hélt áfram og við bara heimtuðum ekkert ofbeldi. Það var okkar eina ósk.

Kallinn varð við því og heimtaði að við hringdum í lögguna. Sem ég og gerði. Fékk svo handamerkingar frá Pétri um að þetta væri búið.

Kellingin stökk uppí bíl, svartan Rav og þaut í burtu drukkin undir stýri. Ég tjáði löggunni það og var hún þakklát.

Við keyrðum af stað, báðir fullir af adrenalíni. Þetta var hörku scenario.

Droppaði svo pétri heim til sín og ók sjálfur af stað heim. Djöfull var ég stressaður. Ég þekki aldrei neinar bílategundir í sundur. En mikið andskoti sá ég marga svarta Rav bíla þarna í umferðinni. Skíthræddur.

Live Skor

Á golf.is má fylgjast með skorinu live. Það var allavega í fyrra þannig að á þriðju hverri holu var skorið tekið niður og því dúndrað inná síðuna.

Þetta er 1.stigamótið og er í Leirunni. Tveir action packed dagar.

Þið finnið þetta undir "núverandi staða"

eða bara getið tekið neðangreindan link og flengt honum í bráserinn ykkar.

http://www.golf.is/pages/forsida1/motaskra/upplysingarummot/?action=viewCurrentScore&iw_language=is_IS