3. hringur 3.stigamóts Gsí

Spilaði síðasta daginn á +8 og endaði í 31.sæti af 98.

Við vorum of sein á staðin og ég fékk bara um 5 mín til að hita upp. Það var frekar óþægilegt. Svo skipti ég um buxur og gleymdi að láta á mig belti. Gleymdi hanskanum og kanínuskottinu mínu(handklæði) heima.

Ekki besta byrjunin og það sýndi sig á fyrstu fimm holunum. Var ekki í rónni og sveiflan ekki mætt til leiks.

Innáhöggið á fyrstu lélegt og kostaði mig eitt högg. Upphafshöggið á annari fór bakvið tré og kostaði mig tvö högg. Upphafshöggið á þriðju fór til vinstri út í drasl og kostaði mig eitt högg. Fimmuhöggið af fjórða teig fór í drasl og kostaði mig tvö högg.

Á fimmtu var ég loks mættur og rólegur með mína sveiflu og leið vel. Bara klaufamistök sem kostaði skolla.

+7 eftir fimm holur og ég loks vaknaður. Ekki sú byrjun sem ég vildi.

En ok, ég hélt bara haus og tók högg fyrir högg og leið vel eftir það.

Spilaði rest á +1 og var hættulega góður í stutta spilinu. Aldrei spilað jafn fallegt golf og þessa tvo hringi fyrir utan fyrstu fimm holurnar.

Jâkvætt og ég er ánægður með árangurinn. Ég setti mér 25.sætið sem markmið en endaði í 31. Innan skekkjumarka.

Næst er það meistaramót GKG. Simmi og Alfreð ekki með sökum landsliðsverkefna. Slæmu tíðindin.....Biggi Leifur ætlar að vera með. Fokk!